वीरगंज, २३ चैत्र । पशु क्वारेन्टाइन कार्यालय वीरगंजका क्वारेन्टाइन अधिकृत डा. भरत साहको मोटरसाइकल दुर्घटनामा परी उपचारका क्रममा निधन भएको छ।
दुर्घटनामा गम्भीर घाइते हुनुभएका उहाँको वीरगंजस्थित एल.एस. न्युरो अस्पतालमा उपचार भइरहेको अवस्थामा निधन भएको हो।
डा. साहको असामयिक निधनले पशु स्वास्थ्य तथा क्वारेन्टाइन क्षेत्रमा कार्यरत कर्मचारी तथा उहाँका सहकर्मीहरू शोकाकुल बनेका छन्। लामो समयदेखि पशु स्वास्थ्य सेवामा सक्रिय रहँदै आउनुभएका उहाँको योगदान उल्लेखनीय रहेको बताइएको छ।
उहाँको निधनप्रति विभिन्न निकाय तथा सहकर्मीहरूले गहिरो दुःख व्यक्त गर्दै श्रद्धाञ्जली अर्पण गरेका छन्।
प्रतिक्रिया लेख्नुहोस् ।
