वीरगंज, १ मंसिर ।
वीरगंजको घण्टाघर नजीकै रहेको खुद्रा कपडा पसलमा कपडा किन्ने दुईजनालाई नक्कली नोटसहित पर्सा प्रहरीले पक्राउ गरेको छ ।
३८ हजार नेपाली नक्कली नोटसहित दुईजनालाई पक्राउ गरेको जिल्ला प्रहरी कार्यालय पर्साले जनाएको छ । चाडबाडको मौका छोपी नेपाली जाली नोटको कारोबारमा भएको सूचनाको आधारमा प्रहरीले दुईजना जनालाई पक्राउ गरेको हो । बाराका उमेश कुमार र पर्साका रिषि पटेललाई प्रहरीले पक्राउ गरेको जनाएको छ । दुबै जनालाई घण्टाघरबाट पक्राउ गरिएको प्रहरीले जनाएको छ ।
उनीहरूको साथ एक हजारको ३८ वटा नक्कली नोट बरामद भएपछि खोटा चलन सम्बन्धी मुद्दा अन्तर्गत म्याद थप गरेर अनुसन्धान प्रक्रिया अगाडि बढाइएको पर्सा प्रहरी प्रमुख कोमल शाहले जनाए।
पक्राउ परेका दुबै जनालाई जिल्ला प्रहरी कार्यालय पर्साको हिरासतमा राखिएको छ ।
यसैगरी वीरगंज–१४ गण्डकबाट प्रहरीले लागूऔषध खैरो हेरोइनसहित एकजनालाई पक्राउ गरेको छ । वीरगंजबाट परवानीपुरतर्पm जाँदै गरेकोना.२१ प ४५८६ नम्बरको मोटर साइकलमा सवार बारा, परवानीपुर गाउँँपालिका–४ बस्ने वर्ष ३५ वर्षीय ध्रुव रामलाई साढे ६ ग्राम खैरो हेरोइनसहित पक्राउ गरिएको जिप्रका, पर्साले जनाएको छ ।
रामले मोटरसाइकलको लुकिङ ग्लासमा लगाएको कालो रंगको रबरको खोलभित्र सेतो प्लाष्टिकमा खैरो हेरोइनसहित पक्राउ गरिएको जिप्रका, पर्साले जनाएको छ ।