चितवन, ७ फागुन । चितवनमा ५ सय ४२ केजी गाँजा सहित दुर्ईवटा ट्रक र दुर्ईजना लाई नियन्त्रणमा लिइएको छ ।
इलाका प्रहरी कार्यालय भण्डाराबाट प्रहरी निरीक्षक श्याममणि पोखरेलको कमाण्डमा खटिएको प्रहरी गस्ती टोलीले आज बिहान ८ः०० बजे राप्ती नगरपालिका वडा नं. ३ झुरझुरे स्थित पूर्व पश्चिम लोकमार्ग सडक खण्डमा चेकजाँचका क्रममा उक्त परिमाणमा गाँजा फेला पारेको हो ।
जिल्ला प्रहरी कार्यालय चितवनका अनुसार प्रहरीले ना ३ ख ६१२२ नम्बरको ट्रक र ना ३ ख ७२४० नम्बरको डिब्बा ट्रक सामान पल्टी गरी शÍास्पद अवस्थामा रोकी राखेकोले उक्त दुवै वटा ट्रकलाई चेकजाँच गर्ने क्रममा ना ३ ख ७२४० नं. डिब्बा ट्रकमा लुकाई छिपाई राखेको अवस्थामा ३९ वटा पोकामा ५४२ किलो लागुऔषध गाँजा फेला पारेको हो ।
प्रारम्भिक अनुसन्धान गर्दा उक्त गाँजा धादिड्ढो मलेखुबाट ना ३ ख ६१२२ नम्बरको ट्रकमा लोड गरी उक्त स्थानमा ल्याई ना ३ ख ७२४० नं. डिब्बा ट्रकमा पल्टी गरेको थाहा हुनासाथ ना ३ ख ७२४० नं. डिब्बा ट्रक चालक जिल्ला धनकुटा छथर जोरपाटे गाउँँपालिका वडा नं. ३ का रमेशनाथ दाहाल र ना ३ ख ६१२२ नं. को ट्रकमा सवार कपिलवस्तु बुद्धभुमी नगरपालिका वडा नम्बर ४ का खुशीराम थारूलाई नियन्त्रणमा लिइएको हो । दुवै ट्रक र लागुऔषध गाँजा बरामद गरी थप अनुसन्धान कार्य भइरहेको प्रहरीले जनाएको छ ।