डिभिजन वन कार्यालय पर्साका प्रमुख साह सहित २४ जना विरुद्ध भ्रष्टाचार मुद्दा दायर

वीरगंज ६ चैत्र । डिभिजन वन कार्यालय पर्साका प्रमुख हेमन्तप्रसाद साह विरुद्ध विशेष अदालतमा भ्रष्टाचार मुद्दा दायर भएको छ।अख्तियार दूरुपयोग अनुसन्धान आयोगले डिभिजन वन कार्यालय पर्साका प्रमुख साह सहित २४ जना विरुद्ध विशेष अदालतमा भ्रष्टाचार मुद्दा दायर गरेको अख्तियारका प्रवक्ता नरहरि घिमिरेले जानकारी दिए ।

महोत्तरीको डिभिजन वन कार्यालयमा कार्यरत रहेका बेला वन अधिकृत साहले महोत्तरीको रम्तेलडाँडा सामुदायिक वन क्षेत्रको रूखमा छापा, टाँचा गराई, कटान गर्न इजाजत दिई, वन क्षेत्रको रूख व्यक्तिलाई लाभ हुने गरी विभिन्न जातका ४०६ वटा रूख कटान गरी भ्रष्टाचार गरेको पुष्टि भएकाले साह विरुद्ध ११ लाख ९६ हजार ६९५ रुपैयाँ बराबरको बिगो कायम गरी विशेष अदालतमा मुद्दा दायर गरिएको घिमिरेले बताए।

त्यहि विषयमा अख्तियारले डिभिजन वन कार्यालय जलेश्वर महोत्तरीका तत्कालीन सहायक वन अधिकृत बेचन ठाकुर, सब–डिभिजन वन कार्यालय बर्दिवासका तत्कालीन सहायक वन अधिकृत लक्ष्मण प्रसाद यादव, फरेष्टर सन्तोष कुमार साह, वनरक्षक राजकिशोर झा, अजय कुमार यादव, राकेशकुमार यादव, नारायण ढुंगेल र दिलिप महतो विरुद्ध पनि ११ लाख ९६ हजार ६९५ रुपैयाँ बराबरको बिगो कायम गरी भ्रष्टाचार मुद्दा दायर गरिएको उनले बताए ।