वीरगंज, ९ फागुन । पर्साबाट पेस्तोलसहित दुईजना र बाराबाट नक्कली नोटसहित एकजना पक्राउ परेका छन् ।
बुधवार राति १०ः३० बजे बहुदरमाई नगरपालिका–९ सडकखण्डमा सवारी साधन चेकजाँच गर्ने क्रममा ना.१२ प ४९७१ नम्बरको मोटरसाइकलमा सवार कालिकामाई गाउँपालिका–५ बस्ने ४३ वर्षीय दीपेन्द्र गिरी (चालक) र पोखरिया नगरपालिका–९ बस्ने ३७ वर्षीय शिवपूजन मुखिया (पछाडि) लाई हतियारसहित पक्राउ गरेको हो ।
गिरीको साथबाट एक थान नलकटुवा पेस्तोल बरामद भएको प्रहरीले जनाएको छ । दुवैजनाविरूद्ध हातहतियारसम्बन्धी कसूरमा अनुसन्धान भइरहेको जिप्रका, पर्साले जनाएको छ ।
यसैगरी, नक्कली नोटसहित बारागढी गाउँँपालिका वडा नम्बर २ दौरवा टोल बस्ने वर्ष ३४ को दिपेन्द्र माझी रहेको प्रहरीले जनाएको छ ।
इलाका प्रहरी कार्यालय निजगढ बाट खटिएको प्रहरी टोलीले निजगढ नगरपालिका वडा नम्बर ८ निजगढ स्थित हाटबजारमा नेपाली एक हजारको दुर्ई थान गरि २ हजार नक्कली नोट दिई सर समानहरू खरिद गरिरहेको अवस्थाबाट माझीलाई पक्राउ गरिएको जिल्ला प्रहरी कार्यालय बाराका प्रवक्ता प्रहरी नायब उपरीक्षक प्रहरी दधिराम न्यौपानेले जानकारी दिनु भयो ।
उनलाई नियन्त्रणमा लिई मुद्रा सम्बन्धी कसुर मुद्दा दर्ता गरी सम्मानित जिल्ला अदालत कलैयाबाट दिन ५ म्याद थप गरी थप अनुसन्धान कार्य भई रहेको प्रवक्ता न्यौपानेले जानकारी दिनु भयो ।