वीरगंज, ७ पुस । जिल्ला प्रहरी कार्यालय पर्साले सोमवार पर्सा जिल्लाका दुई स्थानमा लगाइएको साढे तीन कठ्ठा गाँजा खेती फडानी गरेको छ ।
जीराभवानी र पटेर्वा सुगौली गाउँपालिकाका विभिन्न स्थानमा पुगेर ७५०० गाँजाका बोटहरू फडानी गरेको जिल्ला प्रहरी कार्यालय पर्साका प्रमुख सुदिपराज पाठकले जनाएको छ ।
सोमवार पटेर्वासुगौलीका प्रहरी निरीक्षक प्रकाश थापाको नेतृत्वमा खटिएको १५ जनाको विशेष टोलीले जीराभवानी गाउँपालिका वडा नं. ५, हरैयास्थित भलुवाही खोलाको बगरमा अवैध रूपमा उमारिएको करिब १ कठ्ठा गाँजाको बोट नष्ट गरेको छ ।
त्यस्तै पटेर्वा सुगौली गाउँपालिका वडा नं. ४, फरदवास्थित ऐलानी जग्गामा लगाइएको करिब २.५ कठ्ठा गाँजा समेत फडानी गरेको प्रहरी उपरीक्षक पाठकले बताए ।
दुवै स्थान गरी कुल ३.५ कठ्ठा जमिनमा लगाइएको करिब ७ हजार ५ सय वटा गाँजाका बोटहरू उखेलेर नष्ट गरिएको उनलेबताए ।
अवैध गाँजा खेती गर्ने व्यक्तिहरूको खोजी भइरहेको प्रहरीले जनाएको छ ।
प्रतिक्रिया लेख्नुहोस् ।
