कलैया, ११ पुष । बाराको कलैया उपमहानगरपालिकामा कार्यरत प्रमुख प्रशासकीय अधिकृत नाथु साहको सरुवा गरिएको छ । संघीय मामिला तथा सामान्य प्रशासन मन्त्रालयले साहलाई भोजपुर जिल्लाको भोजपुर नगरपालिकामा प्रमुख प्रशासकीय अधिकृतका रूपमा सरुवा गरेको हो ।
साहको स्थानमा पर्साको पोखरिया नगरपालिकामा कार्यरत प्रमुख प्रशासकीय अधिकृत तथा उपसचिव रामविनय कुमार सिंह कलैया उपमहानगरपालिकामा आउने भएका छन् ।
नाथु साह करिब चार वर्षदेखि कलैया उपमहानगरपालिकामा प्रमुख प्रशासकीय अधिकृतको जिम्मेवारी सम्हाल्दै आएका थिए । मन्त्रालयले हालै साहसहित ३० जना उपसचिवस्तरका कर्मचारीहरूको सरुवा गरेको जनाएको छ ।
प्रतिक्रिया लेख्नुहोस् ।
