वीरगंज, 01 फागुन । पर्सा निर्वाचन क्षेत्र नम्बर–१ अन्तर्गत वीरगंज महानगरपालिका–३२ टेडा क्षेत्रमा अनिल रुङटाको लोकप्रियता उल्लेखनीय रूपमा बढ्दै गएको देखिएको छ। स्थानीय बासिन्दाहरूले यसअघि दुई पटक जिताएका प्रदीप यादवबाट अपेक्षित विकास नभएको गुनासो गर्दै अहिले परिवर्तनको पक्षमा खुलेर उभिन थालेका छन्।
स्थानीयका अनुसार टेडा क्षेत्रमा आधारभूत पूर्वाधारका कामसमेत प्रभावकारी रूपमा हुन सकेका छैनन्। विशेष गरी सडक जस्तो अत्यावश्यक संरचना अहिलेसम्म निर्माण हुन नसक्दा दैनिक जनजीवन कष्टकर बनेको उनीहरूको भनाइ छ। विकासका नाममा आश्वासन मात्रै पाएको तर व्यवहारमा काम नभएको भन्दै उनीहरूले असन्तुष्टि व्यक्त गरेका छन् ।
यस परिवेशमा अनिल रुङटाप्रति स्थानीयको विश्वास बढ्दै गएको छ। धेरैले अबको “अन्तिम आशा” रुङटा नै भएको बताएका छन्।
उम्मेदवार रुङटाले जनताको विश्वासलाई आफ्नो मुख्य शक्ति मान्दै टेडा लगायत समग्र क्षेत्रको दिगो विकासलाई प्राथमिकतामा राख्ने प्रतिबद्धता जनाए का छन्। उनले सडक, शिक्षा, स्वास्थ्य र रोजगारी सिर्जनालाई केन्द्रमा राखेर योजनाबद्ध ढंगले अघि बढ्ने अठोट व्यक्त गरेका छन्। विगतका कमजोरी दोहोरिन नदिने र जनतासँग प्रत्यक्ष समन्वय गर्दै पारदर्शी तथा उत्तरदायी नेतृत्व प्रदान गर्ने उनको प्रतिबद्धतासँगै क्षेत्रमा परिवर्तनको नयाँ आशा पलाएको देखिन्छ।
