वीरगंज,०२ माघ । पर्सा क्षेत्र नं. १ मा प्रतिनिधि सभा सदस्यका उम्मेदवार अनिल रुङटाको पक्षमा जेन–जी युवाहरु खुलेर उभिएका छन्। पिपरामा आयोजित युवा भेलामा दर्जनौँ युवाहरुले रुङटालाई आफ्नो “अन्तिम आशाको उम्मेदवार” भन्दै पूर्ण विश्वास व्यक्त गरे।
उनीहरुले खेलकुद,रोजगारी सिर्जना, गुणस्तरीय शिक्षा, प्रविधिमैत्री अवसर तथा पारदर्शी नेतृत्वको अपेक्षा राख्दै रुङटाको जित सुनिश्चित गर्न सक्रिय रुपमा अभियानमा लाग्ने प्रतिबद्धता जनाए।
जेन-जीहरु बोल्दै उम्मेदवार रुङटाले युवाहरुको विश्वासलाई आफ्नो सबैभन्दा ठूलो शक्ति भएको उल्लेख गर्दै भने, “जेन–जी पुस्ताको सपना, ऊर्जा र सोचलाई समेटेर पर्सालाई समृद्ध र आधुनिक बनाउने मेरो अठोट छ। यहाँका युवाले विदेशिनु नपर्ने वातावरण, सीप र उद्यमशीलताको अवसर सिर्जना गर्नु नै मेरो प्राथमिकता हुनेछ। तपाईंहरुको विश्वास लाई म कहिल्यै टुट्न दिने छैन।”
