वीरगंज, ०५ चैत्र । राष्ट्रिय स्वतन्त्र पार्टी (रास्वपा) को सम्भावित सरकार गठनप्रति डा. उदयनारायण सिंहले हार्दिक शुभकामना व्यक्त गर्नुभएको छ।
उहाँले देशले लामो समयदेखि सुशासन, पारदर्शिता र जनउत्तरदायी नेतृत्वको अपेक्षा गर्दै आएको उल्लेख गर्दै यस अवसरलाई ऐतिहासिक जिम्मेवारीका रूपमा लिन आग्रह गर्नुभयो।
डा. सिंहले जनताको हितलाई सर्वोपरि राख्दै नीति तथा निर्णयहरू पारदर्शी र परिणाममुखी बनाउनु पर्नेमा जोड दिनुभयो। साथै, हाल संसदीय यात्रा तय गरेका माननीयहरू लाई वर्तमान र भावी पुस्ताले मूल्यांकन गर्ने भएकाले व्यक्तिगत स्वार्थभन्दा राष्ट्रहितमा केन्द्रित हुन आग्रह गर्नुभयो।
उहाँले सरकारले विकास, रोजगारी सिर्जना, शिक्षा, स्वास्थ्य, सुशासन तथा भ्रष्टाचार नियन्त्रणका क्षेत्रमा स्पष्ट र प्रभावकारी कदम चाल्ने अपेक्षा व्यक्त गर्नुभयो। जनताको आशा र भरोसालाई व्यवहारमा परिणत गर्दै समृद्ध र न्यायपूर्ण नेपाल निर्माणमा अग्रसर हुनुपर्नेमा उहाँले जोड दिनुभयो।
