संघीय सडक सुपरिवेक्षण तथा अनुगमन कार्यालय, काठमाण्डौं, सडक डिभिजन हेटौडा, मकवानपुरको च.नं. ६८२, मिति २०८३।०१।०४ गतेको पत्र तथा वीरगंज महानगरपालिका, नगर कार्यपालिकाको कार्यालय, पर्साको च.नं. ७६३७, मिति २०८३।०१।०४ गतेको पत्रानुसार त्रिभुवन राजपथ अन्तर्गत नेपाल–भारत मितेरी पुल देखि गण्डक नहर चोकसम्म राष्ट्रिय राजमार्गको मापदण्ड अनुरूप २५–२५ मिटर सडक सीमा संरक्षण गर्नुपर्ने भन्दै सो क्षेत्रमा बनेका भौतिक संरचना हटाउन सूचना जारी गरेको हो।

 
सूचनामा आज बसेको समन्वयात्मक बैठकमा सडक संरक्षण तथा विस्तारको कार्यमा आवश्यक सहयोग तथा सहजीकरणका लागि जिल्लास्थित राजनीतिक दल, जनप्रतिनिधि, नागरिक समाज, सञ्चारकर्मी, आम नागरिक तथा सरोकारवाला सबैलाई आहवान गर्ने निर्णय भएको छ।

 
सो क्षेत्र भित्र पर्ने संरचना, पसल ईत्यादी सरसमानहरू आइतवार  बिहान ४ः३० बजेभन्दा अगावै खाली गरि दिनु हुन सरोकारवाला सबैमा जानकारीको लागि सूचना प्रकाशित गरिएको सहायक प्रमुख जिल्ला अधिकारी बिनोद कुमार पोखरेलले जनाएका छन्।