वीरगंज, १३ वैशाख ।
अपहरण तथा कर्तव्य ज्यान मुद्दामा २५ वर्ष कैद तोकिएपछि फरार रहेका एकजना कसूरदारलाई पक्राउ गरिएको जिल्ला प्रहरी कार्यालय पर्साले जनाएको छ ।
वैशाख १३ गते दिउंसो ३ बजे वडा प्रहरी कार्यालय श्रीपुरले जिल्ला पर्सा वीरगंज महानगरपालिका वडा नं. २४ रामगढवामा लुकिछिपि बस्दै आएका भारत बिहार जिल्ला वेतीया थाना बगाहा बस्ने वर्ष ३० को बिकाश शर्मालाई नियन्त्रणमा लिएको जिप्रका, पर्साका प्रवक्ता प्रहरी नायब उपरीक्ष्Fक हरिबहादुर बस्नेतले जानकारी गराएका छन् ।
जेनजी आन्दोलनका क्रममा केन्द्रिय कारागार जगनाथदेवल काठमाण्डौबाट फरार भएका शर्मामाथि अपहरण तथा कर्तव्य ज्यान मुद्दामा २५ वर्ष कैद तोकिएको जिप्रका,पर्साले जनाएको छ । उनलाई सम्बन्धित कारागार कार्यालयमा बुझाउने प्रवक्ता बस्नेतले जनाएका छन् ।