वीरगंज, २२ पुस । सिख समुदायका दशौं गुरू गोविन्द सिंहको जन्मजयन्तीको पवित्र अवसरमा आज वीरगंज महानगरपालिकाका मेयर राजेशमान सिंहले गुरूद्वारा गुरू नानक सत्संगमा विशेष सम्बोधन गरेका छ।
मेयर सिंहले सिख समुदायको धार्मिक, सांस्कृतिक र ऐतिहासिक योगदानको प्रशंसा गर्दै विविधतायुक्त समाज निर्माणमा सबै धर्म र समुदायको सहकार्यको महत्त्वलाई जोड दिनुभएको छ। उहाँले भन्नुभयो, गुरू गोविन्द सिंहले देखाउनुभएको आदर्श, परोपकार र सत्यनिष्ठा आजको समाजका लागि पनि प्रेरणादायी छ। विविधतामा एकता नै हाम्रो महानगरको परिचय हो।
कार्यक्रममा सिख समुदायका अगुवाहरू, धार्मिक नेता, महानगरका प्रतिनिधि र स्थानीय नागरिकको उपस्थिति रहेको थियो। गुरूद्वारामा आयोजित यस विशेष कार्यक्रममा धार्मिक प्रवचन, भजन–कीर्तन र सामूहिक प्रार्थनाले पवित्र वातावरण सिर्जना गरेको थियो।
सम्बोधनको क्रममा मेयर सिंहले महानगरपालिकाको तर्पmबाट धार्मिक तथा सांस्कृतिक गतिविधिहरूलाई निरन्तर सहयोग गर्ने प्रतिबद्धता जनाउनुभयो। उहाँले सिख समुदायको सेवाभाव र भाइचारा प्रवद्र्धन गर्ने कार्यलाई सराहना गर्दै शुभकामना व्यक्त गरेका थियो। गुरू गोविन्द सिंहको जन्मजयन्तीको अवसरमा वीरगंजको गुरूद्वारामा विभिन्न सामाजिक तथा धार्मिक कार्यक्रमहरू पनि आयोजना गरिएका छन।