वीरगंज, ५ माघ । वीरगंज एक अद्वितीय स्वास्थ्य सेवा र सामुदायिक सहयोगको उदाहरण प्रस्तुत गर्दै, पर्सागढी वाडा नम्बर ४, बखनरवा, दलित बस्तीमा सामान्य स्वास्थ्य जाँच र निःशुल्क जाडो लुगा वितरण कार्यक्रम सफलतापूर्वक सम्पन्न भएको छ। नेपाल हेल्थ क्पस नेशनल मेडिकल कलेजका एमबासडर एम डी उमर देवानको नेतृत्वमा आयोजना भएको यस पहलले स्थानीय दलित समुदायलाई स्वास्थ्य सेवा र जाडो लुगाको आवश्यकतामा सहयोग पुराएको छ।
कार्यक्रममा नेपाल हेल्थ कप्स नेशनल मेडिकल कलेजका ४२ चिकित्सा विद्यार्थीहरू सक्रिय रुपमा संलग्न थिए, साथै विभिन्न विभागका प्रतिष्ठित चिकित्सकहरू डा. मिना कुमार साह, डा. कुमुद लोहबारिया र डा. बिजय कुमार ज्याखो ले स्वास्थ्य परामर्श दिए।
कार्यक्रमबाट ७०५ जना व्यक्तिले लाभ उठाए, जसमा ३०४ महिला, २९६ पुरुष र १०५ बालबालिका समावेश थिए। यस कार्यक्रमले केही व्यक्तिहरूमा दम र मधुमेह जस्ता दीर्घकालीन रोगहरूको पहिचान गराउनमा पनि महत्वपूर्ण भूमिका निभायो, जसले समुदायमा स्वास्थ्य समस्याको बारेमा थप सचेतता ल्याएको छ।
स्वास्थ्य जाँचको अलावा, लगभग ३०० जोडी जाडो लुगा पनि वितरण गरिए। यी लुगाहरूले स्थानीय समुदायलाई जाडो महिनामा तातो र सुरक्षित राख्न मद्दत पुराएको छ्।
कार्यक्रमको सफलतापूर्वक सञ्चालनको बारेमा एम, डी उमर देवानले भने, “यो कार्यक्रम केवल तत्काल स्वास्थ्य आवश्यकताहरूको समाधान मात्रै होइन, दीर्घकालिक सहयोग र स्वास्थ्य शिक्षा प्रदान गर्ने उद्देश्यले पनि आयोजना गरिएको हो। हामी हाम्रो चिकित्सा विद्यार्थीहरूको कडा परिश्रम र स्थानीय समुदायको सहयोगको लागि आभारी छौं।”
यस कार्यक्रमले स्थानीय जनताको स्वास्थ्य र समग्र भलाइमा सुधार ल्याएको मात्र होइन, समुदायमा एकता र आशाको भावना पनि प्रकट गरेको छ। भविष्यमा यस्ता धेरै कार्यक्रमहरूको आयोजना गर्ने योजनाका साथ यो पहल समुदाय – आधारित स्वास्थ्य सेवा र सहयोगको उत्कृष्ट उदाहरण बनेको छ।
