वीरगंज, १५ माघ । नेपालमा आज ६३ औँ नर्सिङ दिवस विभिन्न कार्यक्रम गरी देशैभर मनाइँदै छ। नर्सहरूको पेशागत सुरक्षा र हकहितका लागि भन्दै २०१८ माघ १५ गते नेपाल नर्सिङ संघको स्थापना भएको थियो । संघकै स्थापना दिनको अवसर पारेर यो दिवस मनाउन थालिएको हो ।
नेपाल नर्सिङ दिवस नेशनल मेडिकल कलेज तथा शिक्षण अस्पतालमा पनि मनाईएको छ । नर्सिङ दिवसको अवसर पारेर मेडिकल कलेजले बिशेष कार्यक्रम गरि नर्सिङ दिवस मनाएको हो ।
कार्यक्रमको प्रमुख अतिथि नेशनल मेडिकल कलेज तथा शिक्षण अस्पतालका एकेडेमीक डाइरेक्टर डा.नुसरत जहाँ अन्सारीले नर्सिङ दिवसको शुभकामना व्यक्त गर्दै बिरामीलाई आफन्त जस्तो सम्झेर सेवा गर्न नर्सहरुलाई सुझाव दिईन् ।
मेडिकल कलेजका हस्पिटल डाइरेक्टर इसरत जहाँ अंसारी, एडमिसन तथा मार्केटिङ डाइरेक्टर अविद हुसैन अंसारी, डाइरेक्टर रुबि यास्मिन कलेजका प्रो.डा. के ऐन सिंहलगायतले पनि नर्सिङ दिवसको शुभकामना व्यक्त गरेका थिए ।
नर्सिङ दिवसकै अवसर पारेर दस वर्षदेखि कार्यरत नर्स स्टाफहरुलाई मायाको चिनो प्रदान गरिनुको साथै बिरामीहरूलाई फलफूल वितरण गरिएको थियो ।
कार्यक्रममा नेशनल मेडिकल कलेजका, प्रशासन प्रमुख गौसुल आजम, पप्पु सिंह, दायानंन्द गुप्ता, कलेजमा कार्यरत नर्स, कर्मचारीहरु लगायतको सहभागिता रहेको थियो ।
