वीरगंज, ४ फागुन । पर्सा जिल्लाको १४ वटा स्थानीय तह मध्य कार्य समपादन मूल्यांकनमा ठोरी गाउँ पालिका पहिलो भएको छ । राष्ट्रिय प्राकृतिक श्रोत तथा वित्त आयोग द्वारा प्रकाशित स्थानीय तहको मूल्यांकन बापत प्राप्त प्राप्ताङ्कको आधारमा उक्त पालिका पर्सामा मात्र नभै पुरै मधेस प्रदेशको पालिकाहरुमै पहिलो भएको हो ।
सो पालिका ७१.२ नम्बर पाएको छ । त्यस बापत सो पालिका थप बजेट समेत पाउने भएको बताइन्छ । यो सबैको पछाडि पालिका सबै नागरिक, कर्मचारी, जनप्रतिनिधि र ती सबैको नेतृत्व गर्ने पालिका प्रमुख लाल बहादुर श्रेष्ठको कुशल अभिभावकत्व भूमिका रहेको कुरा कर्मचारीहरु बताउँछन । उता इमान्दारिताको कसीमा पालिकाको निमित प्रमुख धर्म राज थापा अब्बल रहेको हुनाले यो सम्भव भएको कुरा जनप्रतिनिधिहरु बताउँछन । अझ सामान्य प्रशासन मन्त्रीको रोजाइमा समेत थापा पर्नु, सबै पालिका हरुमा निमित प्रावधान हटाउँदा पनि ठोरीमा आर्थिक अधिकार सहित उनी पर्नु पनि सफलताको कसीमा ठोरी अघि बढेको अनुमान लगाउन थालिएको छ ।
