वीरगंज, ३० जेठ । १५ औं केन्द्रीय राष्ट्रपति रनिङ शिल्ड प्रतियोगितामा मधेस प्रदेशको तर्फबाट प्रतिस्पर्धा गरेका पर्सा जिल्ला निवासी कराते खेलाडी प्रिन्स शाहले स्वर्ण पदक जित्न सफल भएका छन्।
नेपाल सितोरियो कराते संघ पर्सा जिल्ला अन्तर्गत प्रशिक्षण लिँदै आएका शाहले पुरुष कुमिते ४७ केजी तौल समूहमा उत्कृष्ट प्रदर्शन गर्दै पहिलो स्थान हासिल गरेका हुन्।
प्रतियोगिता बिहीबार सम्पन्न भएको हो। शाहको उत्कृष्ट प्रदर्शनबारे जानकारी दिँदै नेपाल सितोरियो कराते संघ पर्सा जिल्ला उपाध्यक्ष सुवास श्रेष्ठले स्वर्ण पदक जित्नु पर्सा जिल्लाका लागि गौरवको विषय भएको बताए ।
प्रतिक्रिया लेख्नुहोस् ।
