वीरगंज, २२ साउन । नेशनल मेडिकल कलेज तथा शिक्षण अस्पताल, बीरगंजले विश्व स्तनपान सप्ताह २०८२ विशेष कार्यक्रम भव्य रूपमा सम्पन्न गरेको छ । बाल रोग विभागको नयाँ वार्ड उदघाटन, शिशु सहित आमाहरूको सम्मान, तथा विद्यार्थीहरूद्वारा प्रस्तुत स्तनपान सम्बन्धी शैक्षिक कार्यक्रमहरु गरिएको थियो । कार्यक्रममा आमाहरूको मातृत्वको सम्मानस्वरूप स्मृतिचिन्ह र तस्बिर प्रदान गरिएको थियो । स्तनपानको महत्ववारे सचेतनामूलक स्वास्थ्य शिक्षा सत्रहरू सञ्चालन गरियो, जसबाट सहभागी आमाहरू र स्वास्थ्यकर्मीहरूले उपयोगी जानकारी प्राप्त गरेका थिए । विद्यार्थीद्वारा प्रस्तुत शैक्षिक कार्यक्रममार्फत स्तनपान सम्बन्धी जनचेतना अभिवृद्धिमा गरिएको थियो । कार्यक्रममा प्रबन्ध निर्देशक सहनवाज अन्सारी, शैक्षिक निर्देशक डा. रूबी श्रेष्ठ यासमिन, अस्पताल निर्देशक डा. ईसरत जहान अन्सारी, नर्सिङ डाईरेक्टर, भाईस प्रिन्सिपल, सि.आई.ओ., म्याट्रोन, विभिन्न विभाग प्रमुखहरू, साथै प्रशासन, नर्सिङ र मार्केटिङ टिमका सदस्यहरूको उल्लेखनीय उपस्थिति रहेको थियो।