अभिलाष गुप्ता
वीरगंज, १९ भदौ । हैजाको जोखिम न्यूनीकरण तथा नियन्त्रणका लागि लायन्स क्लब अफ वीरगंज मेट्रो सिटीको आयोजनामा, लायन्स क्लब अफ वीरगंज सुप्रिम, ह्युम्यानिटी, गेटवे, संस्कृतिगोल्डको सहआयोजनामा तथा नाटा वीरगंज र स्काउट वीरगञ्जको सहयोगमा एक विशेष सचेतना कार्यक्रम सम्पन्न गरिएको छ।
उक्त कार्यक्रम इन्दु लखा आधारभूत विद्यालय,कञ्चनजंघा इंग्लिस स्कूल र श्री माईस्थान विद्या पीठ माध्यमिक विद्यालयमा सम्पन्न भएको हो।
कार्यक्रममा प्रथम उप–जिल्ला गर्भनर लायन रामबिहारी पाण्डे, लायन अशोक बेरीवाल र लायन नरोत्तम पाण्डेको विशेष उपस्थिति रहेको थियो।
कार्यक्रम सफल बनाउन समन्वयकर्ता तथा लायन्स क्लब अफ वीरगञ्ज मेट्रो सिटीका अध्यक्ष लायन उमेशकुमार शाह, सबै क्लब अध्यक्षहरू र सदस्यहरूको सक्रियता उल्लेखनीय रह्यो। साथै कार्यक्रम आयोजनामा विद्यालयका प्राचार्य मार्टिन मोक्तान तथा प्रशासनको सहयोग प्रति विशेष धन्यवाद व्यक्त गरिएको छ।
लायन्स क्लब अफ वीरगंज सुप्रिमका अनुसार हैजा नियन्त्रण र सचेतना मार्फत सुरक्षित र स्वस्थ समुदाय निर्माण गर्न निरन्तर प्रतिबद्धता जनाइएको छ।
