वीरगंज, १५ मंसिर । प्रेस काउन्सिल नेपालले आ.व. २०७९–०८० को पत्रपत्रिका वर्गीकरणको प्रारम्भिक नतिजा सोमवार सार्वजनिक गरेको छ ।
प्रेस काउन्सिल ऐन, २०४८ को दफा १० बमोजिम गठित पत्रपत्रिका वितरण सम्परीक्षण समितिको वर्गीकरण प्रतिवेदनको आधारमा आ.व.२०७९।०८० को पत्रपत्रिका वर्गीकरण/मूल्याङ्कनको प्रारम्भिक नतिजा सार्वजनिक गरिएको प्रेस काउन्सिल नेपालले जानकारी गराएको छ ।
काउन्सिलको वर्गीकरणमा परेका पत्रपत्रिका – ८२६ वटा, कागजात अपुग भइ स्थगन भएका पत्रपत्रिका – २२ वटा, हुबहु कायम भइ वर्गीकरणमा नपरेका पत्रपत्रिका ४७ वटा तथा जम्मा आवेदन गर्ने पत्रपत्रिका – ८९४ वटा रहेको प्रेस काउन्सिल नेपालले जनाएको छ । त्यस्तै एउटा पत्रिका हुबहु र कागजात नपुगमा दुवैमा रहेको काउन्सिलले जनाएको छ ।
प्रेस काउन्सिलको वर्ग अनुसार ‘क’ वर्गमा वर्गीकृत – २०४ वटा, ख वर्गमा ४६२ वटा, ग वर्गमा १५४ वटा, घ वर्गमा ६ वटा गरी जम्मा ८२६ वटा पत्रपत्रिका वर्गीकरणमा परेको जनाएको छ ।
त्यस्तै स्तर अनुसार राष्ट्रिय वर्गमा १४० वटा, प्रदेशस्तरमा १४२ वटा, स्थानीय ५४४ वटा गरी जम्मा ८२६ वटा पत्रिका वर्गीकरणमा परेका छन् ।
प्रकार अनुसार दैनिक १८२ वटा, अर्धसाप्ताहिक ३ वटा, साप्ताहिक ४७३ वटा, पाक्षिक १२ वटा, मासिक ७८ वटा, द्वैमासिक ४ वटा, त्रैमासिक ६ वटा, साहित्यिक ५६ वटा, भाषाभाषी – १२ वटा गरी जम्मा ८२६ वटा पत्रिका वर्गीकरणमा प्रेस काउन्सिल नेपालले जानकारी गराएको छ ।
