घण्टाघरबाट शुरू भई शहरका विभिन्न मुख्य मार्ग परिक्रमा गर्दै पुनः घण्टाघरमै पुगेर समापन गरिएको कार्यक्रमलाई सम्बोधन गर्दै पत्रकार महासंघ पर्सा अध्यक्ष ओम प्रकाश खनालले पछिल्लो समय प्रेस तथा अभिव्यक्ति स्वतन्त्रता चुनौतीपूर्ण बन्दै गएको बताए ।  उनले संघीय संसदमा विचाराधीन मिडिया काउन्सिल विधेयक, सामाजिक सञ्जाल सञ्चालन तथा नियमन विधेयक, सूचना प्रविधि ऐन लगायत सञ्चारसम्बन्धी विभिन्न विधेयकप्रति महासंघको गम्भीर चासो रहेको बताए।

सञ्चार क्षेत्रको आर्थिक संकट, पत्रकार पलायन, निजी सञ्चारमाध्यममा सरकारी विज्ञापन तथा सूचना प्रवाहमा देखिएको रोकजस्ता समस्याले पत्रकारिता क्षेत्र थप संकटग्रस्त बनेको उल्लेख गर्दै विश्व प्रेस स्वतन्त्रता दिवसको अवसरमा सम्पूर्ण सञ्चारकर्मी, प्रेस तथा अभिव्यक्ति स्वतन्त्रताका पक्षधरहरूलाई शुभकामना व्यक्त गर्दै प्रेस स्वतन्त्रताको रक्षाका लागि सबै पेसागत संगठन, नागरिक अगुवा तथा सरोकारवालासँग ऐक्यबद्धताको अपेक्षा समेत गरे ।

कार्यक्रममा सचिव बिजय महतो, सहसचिव एसके चौरसियालगायत सञ्चारकर्मीहरूको उल्लेखनीय सहभागिता थियो ।