वीरगंज, ३० वैशाख । राजस्व चुहावट मुद्दामा अदालतबाट दोषी ठहर भई फरार रहेका एक प्रतिवादीलाई पर्सा प्रहरीले पक्राउ गरेको छ।
जिल्ला प्रहरी कार्यालय पर्साले जारी गरेको प्रेस विज्ञप्ति अनुसार विशेष सूचनाको आधारमा मिति २०८३ वैशाख ३० गते दिउँसो करिब २:३० बजे फैसला कार्यान्वयन टोलीले लुकिछिपी बस्दै आएका प्रतिवादीलाई पक्राउ गरेको हो।
पक्राउ पर्नेमा पर्साको साविक बेल्वा गाविस वडा नं. ५ हाल वीरगंज महानगरपालिका वडा नं. ३१ बस्ने ४२ वर्षीय प्रबिन्द्र साह गोढ रहेका छन्।
सम्मानित पर्सा जिल्ला अदालतको फैसला अनुसार उनीविरुद्ध रहेको राजस्व चुहावट मुद्दामा ६ महिना कैद सजाय तथा ३ करोड १२ लाख ६० हजार ८० रुपैयाँ जरिवाना तोकिएको थियो।
प्रहरीले पक्राउपछि उनलाई आवश्यक कारबाहीका लागि पर्सा जिल्ला अदालतमा बुझाएको जनाएको छ।
प्रतिक्रिया लेख्नुहोस् ।
