वीरगंज ७ मंसिर । मधेस प्रदेशमा स्वास्थ्य कार्यालय पर्साले पहिलो स्थान हासिल गरेको छ।
आइतवार जनकपुरमा आयोजित प्रदेशस्तरीय वार्षिक समीक्षात्मक गोष्ठीमा मुख्यमन्त्री सरोजकुमार यादवले स्वास्थ्य कार्यालय पर्साका निमित्त प्रमुख विनोद झालाई प्रमाणपत्रसहित सम्मान गरेका हुन् ।
मधेस प्रदेश सरकारको स्वास्थ्य तथा जनसंख्या मन्त्रालयले प्रदेशका ८ जिल्लाका स्वास्थ्य कार्यालयहरूको वार्षिक कार्यसम्पादन मूल्यांकन गर्दै आएको छ, जसमा आर्थिक वर्ष २०७८।७९ देखि २०८१।८२ सम्म पर्सा निरन्तर प्रथम बन्दै आएको हो। आर्थिक वर्ष २०८१।८२ को मूल्यांकनमा पनि स्वास्थ्य कार्यालय पर्साले ८७ अङ्क प्राप्त गर्दै पुनः पहिलो स्थान सुरक्षित गरेको स्वास्थ्य मन्त्रालयले जनाएको छ। सोही मूल्यांकनमा स्वास्थ्य कार्यालय सर्लाही दोस्रो र महोत्तरी तेस्रो भएको छ।
प्रतिक्रिया लेख्नुहोस् ।
