वीरगंज, २१ माघ । बैंकिङ कसूर मुद्दाका फरार प्रतिवादीलाई पक्राउ गरिएको जिल्ला प्रहरी कार्यालय, पर्साले जानकारी गराएको छ ।
पक्राउ पर्नेमा जिल्ला पर्सा वीरगंज महानगरपालिका वडा नं. १९ बस्ने वर्ष ३२ को अनिल कुमार गुप्ता रहेको प्रहरीले जनाएको छ ।
प्रमोद प्रसाद गुप्ताको जाहेरीले बादी नेपाल सरकार, प्रतिवादी जिल्ला पर्सा वीरगंज महानगरपालिका वडा नं. १९ बस्ने वर्ष ३२ को अनिल कुमार गुप्ता भएको बैंकिङ कसूर (मुद्दा नं. ०८०–८१–०९१२) मुद्दामा पर्सा जिल्ला अदालतको फैसलाले रू. ५ लाख जरिवाना र ३ दिन कैद र रू. २० हजार पीडित राहत कोषमा जम्मा गर्ने तोकिएपछि फरार भएका थिए ।
प्रतिवादी अनिल कुमार गुप्तालाई माघ १९ गते कारागार कार्यालय पर्सा स्थित सडकखण्डबाट जिप्रका, पर्साको फैसला कार्यान्वयन टोलीले नियन्त्रणमा लिइ पर्सा जिल्ला अदालतमा बुझाएको जिप्रका, पर्साले जनाएको छ ।
