वीरगंज । पर्सा प्रहरीले पर्साको बिन्दबासिनी गाउँपालिका वडा नं.५ प्रसौनीभट्टाबाट लागु औषध गाँजासहित दुई जनलाई पक्राउ गरेको छ ।
प्रहरी चौकी प्रसौनीभट्टाबाट खटिएको प्रहरी टोलीले बहुदरमाई नगरपालिकाको वडा नं.९ बिश्रामपुर लोटल राउत कुर्मी र सोही ठाउँ निवासी देवलाल साह कलवारलाई पक्राउ गरेको हो ।
प्रसौनीभट्टा गाँउ नजिक सडकखण्डमा अन्दाजी ०९ः२० बजेको समयमा खटिएको प्रहरी टोलीले चेकजाँच गर्ने क्रम्मा संकास्पद रूपमा साईकल चलाई गईरहेको दुबै जनालाई कानूनी रीतपुर्याई खानतलासी गर्दा लागु औषध बरामद भएको जिल्ला प्रहरी कार्यालय पर्साले जनाएको छ ।
दुबै जनाले लुकाई छिपाई आफ्नो शरिरमा पहेलो रङको टेपले बेरी बाँधेको कालो रङको पोलोथिनको ४ वटा पोकामा १ र १ किलो दरले ४ किलो लागू औषध गाँजा फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक डिएसपी कुमार बिक्रम थापाले वताए ।
त्यसपछि दुबै जनालाई नियन्त्रणमा लिई ईलाका प्रहरी कार्यालय पोखरीया पर्सामा ल्याइ निजहरू विरुद्द लागु औषध सम्बन्धि कसूर मुद्दामा शुक्रबार पर्सा जिल्ला अदालतबाट ७ दिन म्याद थप अनुमति प्रदान गरी थप अनुसन्धान कार्य भैरहेको प्रवक्ता थापाले जानकारी दिए ।
