वीरगंज ०५ चैत । वीरगंजमा रहेको प्रादेशिक आयुर्वेद तथा वैकल्पिक चिकित्सालयको ब्यवस्थापन समितिको अध्यक्षमा अनिल प्रसाद सिंह सदस्यमा नेहा मिश्र र हिरालाल शाह कानु मनोनित भएका छन् ।
मधेस प्रदेश सरकारको स्वास्थ्य तथा जनसंख्या मन्त्रालयले गत फाल्गुन १८ गतेकोे मन्त्री स्तरिय निर्णयबाट अध्यक्षमा सिंह सहित दुई जना सदस्यलाई मनोेनित गरेको हो। सिहं वीरगंज महानगरपालिका वडा नम्बर १५ का निवासी र पर्सा क्षेत्र न.१ का का.वा. क्षेत्रिय सभापति समेत रहेका हुन ।
यस्तै प्रादेशिक आयुर्वेद तथा बैकल्पिक चिकित्सालयको ब्यवस्थापन समितिको सदस्यमा नेहा मिश्र र हिरालाल शाह कानुलाई मनोनित गरेको छ । मिश्र, नेविसंघको पूर्व केन्द्रिय सदस्य हुन् भने हिरालाल शाह कानु नेता तथा सामाजसेवी समेत रहेका हुन ।
अस्पताल संचालन तथा ब्यबस्थापन सम्बन्धि कार्यबिधी २०७९ को दफा ३ को उपदफा १ (क) र (ग) बमोजिम प्रदेशको स्वास्थ्य मन्त्रालयले अध्यक्षमा सिंह सदस्यमा मिश्र र कानुलाई मनोनित गरेको अस्पतालका डाक्टर सुचित कुमार शर्माले जानकारी दिए । मधेश प्रदेशको स्वास्थ्य तथा जनसंख्या मन्त्रि वीरेन्द्र सिहंले तिनटै जनालाई नियूक्ति पत्र दिएका छन। तिनटै जनाको कार्यकाल ३ बर्षको रहनेछ ।
