वीरगंज, २७ चैत । वीरगंज महानगरपालिका– १५ भेडीयाहीमा रहेकोे नेशनल मेडिकल कलेज तथा शिक्षण अस्पतालका कर्मचारीहरुले पक्राउ परेका प्रबन्ध निर्देशक र ल्याब प्रमुखको रिहाईको माग राख्दै प्रदर्शन गरेका छन ।
कर्मचारीहरुले जिल्ला प्रहरी कार्यालय पर्साको अगाडी कलेजका प्रबन्ध निर्देशक शाहनवाज अंसारी र ल्याब प्रमुख सञ्जय साहलाई रिहाईको माग राख्दै प्रदर्शन गरेका हुन ।
नेशनल मेडिकल कलेजका कर्मचारीहरुले मंगलबार दिउँसो १२ बजेदेखि पक्राउ परेकाहरुको रिहाईको माग राख्दै प्रदर्शन गरेका थिए। प्रर्दशनका क्रममा उनीहरुले पक्राउ परेका एमडी र डाक्टरलाई रिहा गर , हाम्रो माग पुरा गर भन्ने नारा लगाएका थिए ।
मेडिकल कलेजले म्याद गुज्रिएका सामग्री प्रयोग गर्ने गरेको गुनासो आएपछि प्रहरीले सोमबार दिउँसो मेडिकल कलेजका प्रबन्ध–निर्देशक शाहनवाज अन्सारी र ल्याब प्रमुख सञ्जय साहलाई नियन्त्रणमा लिएको थियो । पर्सा प्रहरीले नेशनल मेडिकल कलेजबाट पक्राउ परेकाहरुको माथी अनुसन्धान भइरहेको जनाएको छ ।
