वीरगंज, ६ साउन । गुरु पुर्णिमाको अवसरमा आइतबार वीरगंजको अशोक वाटिका स्थित शंमसान घाट परिसरमा वृक्षारोपण गरिएको छ ।
शंमसान घाट परिसरलाई हरियाली पार्कसहितको मनोरम बनाउन वृक्षारोपण गरिएको वीरगंज महानगरपालिकाका मेयर राजेश मान सिंहले बताए । वृक्षारोपण गर्दै महानगर प्रमुख सिंहले खाली जग्गा तथा घर वरपर हरियाली बनाइ राख्नका लागि बोट विरुवा रोप्न सबैलाई आह्वान समेत गरे ।
वीरगंज महानगरपालिकाको आयोजना र साहिब दरबार वीरगंज र ग्रिनसिटी सामुदायिक प्रहरी सेवा केन्द्रको सहयोगमा विभिन्न जातका विरुवा रोपिएको हो । महानगरपालिकाले शंसानघाटलाई स्तरोन्नती गर्दै परिसरलाई हरियाली बनाउन सौन्दर्यकरणको काम गरिरहेको छ ।
यस्तै आइतबार नै वडा नं. २१ परवानीपुर स्थित शंमसान घाट परिसरमा पनि वृक्षारोपण गरिएको छ ।
प्रतिक्रिया लेख्नुहोस् ।
- Advertisement -
