वीरगंज, २१ साउन । जिल्ला प्रहरी कार्यालय, बाराले जबरजस्ती करणी मुद्दामा ९ वर्ष कैद भएपछि फरार रहेका एकजनालाई पक्राउ गरेको छ ।
शनिवार राति ९ः३० बजे अस्थायी प्रहरी पोष्ट बसपार्क कलैयाले कलैया उपमहानगरपालिका वडा नं। ६ मदर्शाटोल बस्ने वर्ष २७ को इम्तियाज अंसारीलाई पक्राउ गरेको जिप्रका, बाराले जनाएको छ । जिल्ला अदालत बाराले जबरजस्ती करणी मुद्दामा अन्सारीलाई ९ वर्ष ६ महिना १५ दिन कैद सजाय तोकेपछि अन्सारी फरार भएका थिए ।
पक्राउ परेका अन्सारीलाई कैद भुक्तानको लागि जिल्ला अदालत बारा, कलैयामा दाखिला गरिएको जिप्रका, बाराका प्रवक्ता प्रहरी नायब उपरीक्षक दधिराम न्यौपानेले जानकारी गराएका छन् ।