वीरगंज, ३२ साउन । राष्ट्रिय दलित पत्रकार संघ पर्साको आयोजनामा वीरगंज – ०८ टोल गहवामा निशुल्क आँखा शिबिर सम्पन्न भएको छ । संघको अध्यक्ष श्याम पासवानको अध्यक्षतामा आयोजित शिबिरको उदघाटन नेकपा (एकीकृत समाजबादी) पर्साका अध्यक्ष बालगोपाल थापाले गर्नु भएको थियो ।
वीरगंज सामुदायिक आँखा अस्पतालको सहयोगमा सञ्चालित शिबिरमा १०२ जनाले आँखा परिक्षण गराएका छन । जसमध्ये २५ जनामा मोतियाबिन्दु फेला परेको छ । मोतियाबिन्दु फेला परेकोलाई भदौ २ गते आइतबार निशुल्क शल्यक्रिया गरिने सो अस्पतालका सञ्चालक डा.महेश्वर धामिले बताए । शिबिरमा राष्ट्रिय दलित पत्रकार संघका सल्लाहकारद्वय बृजलाल पासवान, सुबास राम, उपाध्यक्ष सुरेश बादल, दलित अभियान्ता निला राम, स्थानीय अगुवा उमेश ठाकुर, वार्ड सदस्य संगीता दास लगाएतको उपस्थिती रहेको थियो ।

