वीरगंज, १५ मंसिर । वीरगंज आँखा तथा दाँत अस्पतालले शनिवार बाराको देवताल गाउँँपालिका वडा नं ३ मा निःशुल्क आँखा चेक जाँच शिविर सम्पन्न गरेको छ ।
श्री इन्द्रदेव मावि आमवामा सम्पन्न भएको स्वास्थ्य शिविरको आयोजना स्थानीय युवा शक्ति र वीरगंज आँखा तथा दाँत अस्पताल वीरगंजले गरेको थियो ।
शिविरमा २३० जनाको आँखा जाच गर्दा ६० जनामा मोतिबिन्दुको बिरामी भेटिएको थियो । यसैगरी १५ जना जलबिन्दुका बिरामी पनि भेटिएको थियो । मोतियाबिन्दु र जलबिन्दु भेटिएको बिरामीहरुको थप उपचारको लागि वीरगंज आँखा तथा दाँत अस्पतालमा गरिने अस्पतालका व्यवस्थापक अशोक पटेलले जानकारी दिए ।
शिविरमा बिरामीहरुलाई निःशुल्क औषधि पनि वितरण गरिएको थियो ।