वीरगंज ३० मंसिर । वीरगंजका नेवार समुदायले योमरी पूर्णिमा (योमरी पुन्ही) पर्व मनाएका छन् । आइतवार योमरी पुन्हिको अवसरमा भिन्तुना गुठी भिस्वाले वीरगंज महानगरपालिका–१५ भिस्वा डाँडामा कार्यक्रम गरेको छ । भिन्तुना गुठी भिस्वाका अध्यक्ष दीपेन्द्र गोविन्द बैद्यले यो पर्व प्राचीनकालदेखि मनाउदै आएको बताए । उनले नयाँ धान भिœयाएको खुसीयालीमा नेवार समुदायले योमरी पूर्णिमा पर्व हर्षाेल्लासका साथ मनाउने चलन रहेको बताए । नेवा पुच वीरगंजका अध्यक्ष एवं ठाकुर राम बहुमुखी क्याम्पसका पूर्व प्राध्यापक हरि बैधले मन्सिर शुक्ल पूर्णिमाका दिनमा मनाइने योमरी पूर्णिमालाई योमरी पुन्ही पनि भनिने गरेको बताए । उनले नेवार समुदायको ठूलो चाडका रूपमा मनाइने यस चाडमा मीठो खाद्य पदार्थ बनाइने गरेको बताए । उनले योमरी पुन्हिको अर्थ नयाँ धानबाट बनेको चामलको पीठो, मीठा, चाकु र तिल राखेर बफाएर पकाइने बताए । उनका अनुसार नेवार समुदायले धान राख्ने भकारीमा पूजा आराधना गरेर योमरी पूर्णिमा मनाउने गरेको बताए । चेलीबेटीको गर्भ रहँदा गर्भमै बालकको पूर्ण स्वास्थ्यको कामना गर्दै माइतीबाट उनीहरूको घरमा तिल र चाकु भरिएको योमरी सगुनका रूपमा उपहार पठाउने चलन रहेको बताए । मंसिरमा धान भिœयाएपछि शुक्ल पूर्णिमामा धान, गणेश, महालक्ष्मीलगायत देवताको पूजा गरी नयाँ भित्रिएको धान कुटेर चामल बनाउने त्यसबाट पीठो पिँधेर मिठा एवं चाकु र तिलबाट डल्लो बनाई बाफेर भकारीमा चढाई पूजा गर्ने परम्परा रहेको एकजना नेवार समुदायले बताए । कार्यक्रममा वीरगंज–५ का वडा सदस्य सन्जु दहाल, जुलि श्रेष्ठलगायत वीरगंजका नेवार सामुदायहरूकोे सहभागिता थियो ।