अभिलाष गुप्ता
वीरगंज, १३ मंसिर । भीएस पावरप्ले टी–२० च्यालेञ्ज– वीरगन्ज स्कूल्स कप २०८२ अन्तर्गत शनिबार सम्पन्न दोस्रो दिनका दुवै खेलमा बाल एकता सेकण्डरी स्कुल, कलैया र विद्या सदन सेकण्डरी स्कुल विजयी भएका छन्।
पहिलो खेलमा साउथ जोन सेकेन्डरी स्कुलले टस जितेर पहिले ब्याटिङ गरेको थियो। निर्धारित २० ओभर पूरा गर्न नसक्दै टोली १९.३ ओभरमा सबै विकेट गुमाउँदै १०५ रनमा समेटियो। सो स्कोरको जवाफमा उत्रिएको बाल एकता सेकण्डरी स्कुल ले सशक्त प्रदर्शन गर्दै १४.५ ओभरमै २ विकेटको क्षतिमा १०९ रन जोड्दै खेललाई ८ विकेटले आफ्नो पक्षमा पार्यो।यस खेलमा बाल एकताका आदित्य यादव ले ५८ रनको प्रभावशाली इन्निङ खेलेका कारण म्यान अफ द म्याच घोषित भए।
दोस्रो खेलमा विद्या सदन सेकण्डरी स्कुलले टस जितेर पहिले ब्याटिङ गर्ने निर्णय गर्दै निर्धारित २० ओभरमा ९ विकेटको क्षतिमा १४२ रनको प्रतिस्पर्धात्मक लक्ष्य राख्यो।जवाफमा उत्रिएको गौतम सेकण्डरी स्कुल १५ ओभरमै ७३ रनमा अलआउट हुँदै ६९ रनले पराजित भयो। खेलमा विद्या सदनका समीर अन्सारी ले ४३ रन र २ विकेट लिँदै म्यान अफ द म्याच बने।
भोलि आइतबार हुने तेस्रो दिनको खेलतहत बिहान ९ बजे कादम्बरी सेकण्डरी स्कूल र एल्पाइन सेकण्डरी स्कूल तथा दिउँसो १२ बजे ग्रीन ल्यान्ड सेकण्डरी स्कूल र ज्ञानोदय सेकण्डरी स्कूल बीच प्रतियोगिता हुने जनाइएको छ।दुवै खेल नारायणी क्रिकेट ग्राउण्ड, वीरगन्ज मा नियमित समयअनुसार सुरु हुनेछन्।
