वीरगंज, १६ मंसिर । वीरगंज स्कूल्स कप अन्तर्गत शुक्रवार भएका सेमिफाइनलका दुवै खेलमा बाल एकता सेकेन्डरी इंग्लिश बोर्डिङ स्कूल र ग्रीन ल्यान्ड सेकेन्डरी स्कूल फाइनलमा प्रवेश गर्न सफल भएका छन् ।
टस जितेर पहिले ब्याटिङ गरेको बाल एकता सेकेन्डरी इंग्लिश बोर्डिङ स्कूलले निर्धारित २० ओभरमा ६ विकेटको क्षतिमा १२४ रनको स्कोर बनाएको थियो ।
प्रतिउत्तरमा विद्या साधन सेकेन्डरी स्कूल १४.३ ओभरमै ४९ रनमा समेटियो । बाल एकताले ७५ रनको फराकिलो अन्तरले जीत दर्ता गर्दै उपाधि प्रतिस्पर्धाको यात्रा तय गरेको छ । प्रतियोगिताको म्यान अफ द म्याच मनिभुषण यादव भए, उनले ३१ रन लिएका थिए।
दोस्रो सेमिफाइनलमा साउथ जोन सेकेन्डरी स्कूलले टस जितेर ब्याटिङ गर्दै २० ओभरमा ७ विकेटको क्षतिमा १०९ रन बनायो । ग्रीन ल्यान्ड सेकेन्डरी स्कूलले १९ ओभरमै ७ विकेटको क्षतिमा ११० रन बनाउँदै ३ विकेटले जीत हात पार्याे ।
यस प्रतियोगिताको म्यान अफ द म्याच सोहेब शेख भए, उनले ३१ रन ३ विकेट लिएका थिए। अब उपाधिका लागि बाल एकता र ग्रीन ल्यान्ड सेकेन्डरी स्कूल भिड्नेछन । फाइनल खेलः बुधवार बिहान १० बजेदेखि स्थान नारायणी क्रिकेट ग्राउन्ड वीरगंजमा हुनेछ । विद्या साधन सेकेन्डरी स्कूलद्वारा आयोजना गरिएको भिएस पावरप्ले टि २० चैलेन्ज अन्तर्गत बुधवार फाइनल खेल हुनेछ ।
प्रतिक्रिया लेख्नुहोस् ।
