वीरगंज २८ चैत । श्रीजगन्नाथ रथयात्रा वीरगंजमा भव्यपूर्वक सम्पन्न भएको छ। इस्कोन वीरगंजको आयोजनामा सम्पन्न उक्त रथ यात्रामा हजारौं श्रद्धालुको उल्लेखनीय सहभागीता रहेको थियो।
भगवान् जगन्नाथ, भगवान् बलदेव तथा सुभद्रा महारानीको रथयात्राले समाजमा एकता, भक्ति र समानताको सन्देश प्रवाह गर्ने आयोजकले जनाएको छ । कार्यक्रममा भव्य रथ यात्रा, मधुर भजन–कीर्तन, प्रेरणादायी आध्यात्मिक प्रवचन तथा हजारौँ सहभागीका लागि निःशुल्क प्रसाद वितरण गरिएको थियो ।
रथ यात्रा गहवामाई पार्कबाट शुरू भई मकालु होटल, पूजन होटल, कैलाश होटल, घडीअर्वा पोखरी, गीता मन्दिर रोड हुँदै पुनः माइस्थान पार्कमा पुगेर समापन गरिएको थियो।
उक्त रथ यात्रामा विद्यालय तथा कलेजका विद्यार्थी, व्यापारिक समुदाय, विभिन्न संघसंस्था तथा वीरगंजका सर्वसाधारणहरूको व्यापक सहभागीता रहेको थियो। साथै पर्सा, बारा र रौतहट जिल्लाका साथै भारतको रक्सौल क्षेत्रबाट समेत हजारौँ श्रद्धालु उपस्थित भएका थिए। रथ यात्रा पश्चात सहभागीहरूलाई निःशुल्क प्रसाद वितरण गरिएको थियो भने नृत्यनाटकसमेत प्रस्तुत गरिएको थियो।
उक्त रथ यात्रामा विद्यालय तथा कलेजका विद्यार्थी, व्यापारिक समुदाय, विभिन्न संघसंस्था तथा वीरगंजका सर्वसाधारणहरूको व्यापक सहभागीता रहेको थियो। साथै पर्सा, बारा र रौतहट जिल्लाका साथै भारतको रक्सौल क्षेत्रबाट समेत हजारौँ श्रद्धालु उपस्थित भएका थिए। रथ यात्रा पश्चात सहभागीहरूलाई निःशुल्क प्रसाद वितरण गरिएको थियो भने नृत्यनाटकसमेत प्रस्तुत गरिएको थियो।
इस्कोन वीरगंजका प्रमुख मुक्तिनाथ साहको अध्यक्षतामा सम्पन्न भएको थियो। कार्यक्रममा प्रमुख अतिथिका रूपमा वीरगंज महानगरपालिकाका मेयर राजेशमान सिंह तथा वरिष्ठ समाजसेवी मुर्लीधर रूङटा, आयुष गिरि, गौर्सभन दास, श्याम मनोहर साह लगायतको सहभागिता थियो ।
प्रतिक्रिया लेख्नुहोस् ।
