वीरगंज, ३१ जेठ । बारा जिल्ला विश्रामपुर गाउँपालिका वडा नम्बर २ बरगनिया बजारमा आयोजित रक्तदान कार्यक्रम सफलतापूर्वक सम्पन्न भएको छ।
रक्तदान कार्यक्रममा कुल २७ जनाले रक्तदान गरेका थिए । कार्यक्रम वडा नम्बर २ का अध्यक्ष मनोज कुमार यादवको अध्यक्ष्तामा सम्पन्न भएको छ। रक्तदान कार्यक्रमको प्रमुख अतिथि नेशनल मेडिकल कलेजका अस्पताल निर्देशक डा.ईशरत जहाँ अन्सारी, प्रयोगशाला इन्चार्ज डा. सञ्जय कुमार साह, सुशान्त शर्मा पौडेल, सि.आई.ओ इंजिनियर प्रदीप कुमार चौधरी, मार्केटिङ म्यानेजर जितेश कुमार दास,भर्चुवल नेटवर्क प्रा.लि. का सञ्चालक श्री मुकेश कुशवाहा तथा समाजसेवी श्री संजय बैठा लगायतको विशेष उपस्थिति एवं सहकार्य रहेको थियो।
रक्तदान कार्यक्रममा सहभागी सम्पूर्ण रक्तदाताहरूलाई प्रमाणपत्र समेत वितरण भएको थियोे । रक्तदान कार्यक्रम सहभागी स्वास्थ्यकर्मीहरू तथा सहयोगी हातहरूलाई धन्यवाद एवं आभार प्रकट निर्देशक अन्सारीले गरेका थिए ।
