वीरगंज, २७ असार । सशस्त्र प्रहरी बल पर्साले ९ लाख ४७ हजार मूल्य बराबरको सामान भन्सार दाखिला गरेको जनाएको छ । आज सशस्त्र प्रहरी बल, नेपाल प्र.सी.सु.गुल्म वीरगंज र वीरगंज भन्सार कार्यालयबाट खटिएको संयुक्त टोलीले वीरगंज–१० आदर्शनगरमा रहेको बिकेसी ईम्पेक्समा भारतबाट अवैध रूपमा भन्सार छली ल्याई भण्डारण गरी राखेको रू. ६ लाख ५९,७०० मूल्य बराबरको तयारी कपडा बरामद गरी आवश्यक कारबाहीको लागि वीरगंज भन्सार कार्यालयमा बुझाएको छ । साथै सशस्त्र प्रहरी बल, नेपाल बि.ओ.पी. सिर्सियाबाट खटिएको टोलीले वीरगंज म.न.पा. १० आर्दशनगर र छप्कैयाबाट भारतबाट अवैध रूपमा भन्सार छली नेपाल ल्याउँदै गरेको रू. २ लाख ७९,१०५।– बराबरको कपडा र किराना सामानहरू बरामद गरी आवश्यक कारबाईको लागि वीरगंज भन्सार कार्यालयमा बुझाएको सशस्त्र प्रहरी बल पर्साका सूचना अधिकारी तथा सशस्त्र प्रहरी नायब उपरीक्षक देबेन्द्र बहादुर सिंहले जानकारी गराएका छन् ।
प्रतिक्रिया लेख्नुहोस् ।
