रक्सौल, पूर्वी चम्पारण ०६ कार्तिक । ईश्वरले मानिसलाई विभिन्न तरिकाले मार्गदर्शन गर्नुहुन्छ र सत्य तथा सहि बाटोमा हिँड्ने प्रेरणा पनि दिनुहुन्छ। तर स्वार्थ, लोभ र गलत सोचका कारण वा तत्कालीन समस्यामा फसिरहँदा व्यक्ति ईश्वरीय प्रेरणाअनुसार उचित निर्णय गर्न सक्दैन। जसले विनम्रताका आधारमा सबैसँग तालमेल कायम गर्न सक्छ, त्यो व्यक्ति महान् हुन्छ। जीवनभर तपाईंको साथ रहने एकमात्र वस्तु तपाईं स्वयं हुनुहुन्छ, त्यसैले आफूले सहन गर्न नसक्ने बोझ कहिल्यै नबोक्नुहोस्।
उक्त विचार लायन्स क्लब अफ रक्सौलका अध्यक्ष तथा मिडिया प्रभारी साथै सामाजिक कार्यकर्ता लायन बिमल सर्राफले पत्रकारहरूसँग साझा गरेका हुन्।
उहाँले भन्नुभयो भक्ति जब भोकमा प्रवेश गर्छ, त्यो भोक व्रत बन्छ। भक्ति जब पानीमा प्रवेश गर्छ, त्यो पानी चरणामृत बन्छ।भक्ति जब भोजनमा प्रवेश गर्छ, त्यो भोजन प्रसाद बन्छ।भक्ति जब यात्रामा प्रवेश गर्छ, त्यो यात्रा तीर्थयात्रा बन्छ।भक्ति जब संगीतमा प्रवेश गर्छ, त्यो संगीत कीर्तन बन्छ।भक्ति जब घरमा प्रवेश गर्छ, त्यो घर मन्दिर बन्छ।भक्ति जब कार्यमा प्रवेश गर्छ, त्यो कार्य कर्म बन्छ।भक्ति जब व्यक्तिमा प्रवेश गर्छ, त्यो व्यक्ति मानव बन्छ।
उहाँले थप भन्नुभयो भित्र दबिएका अनकहा पीडा सहन गर्नु ठूलो वेदना हो। हामीले बोल्न सिक्नुपर्छ, प्रयास नगरी कसरी थाहा पाउने कि हामी गर्न सक्छौं वा छैनौं ? भलाइ गर्नु कर्तव्य होइन, बरु आत्मसन्तुष्टिको आनन्द हो, किनभने यसले स्वास्थ्य र सुखमा वृद्धि गर्छ।
यदि लक्ष्य कठिन लाग्न थाल्यो भने समस्या लक्ष्यमा होइन, तपाईंको प्रयासमा छ।बलियो व्यक्ति जित्नका लागि मिहिनेत गर्छ, कमजोर व्यक्ति अरूलाई हराउन सडयन्त्र गर्छ।सधैं सकारात्मक सोच राखेर जीवनको आनन्द लिनुहोस्।मन र चित्त सधैं प्रसन्न रहन्छ यो हामी आफैं गर्न सक्छौं, यसको लागि कुनै अतिरिक्त साधन आवश्यक छैन।यो केवल सकारात्मक मानसिक सोचबाट सम्भव छ।
