वीरगंज, १३ कात्तिक । कर्तव्य ज्यान मुद्दामा १ वर्ष कैद र रू. १० हजार जरिवाना तोकिएपछि फरार भएका एकजना प्रतिवादीलाई पक्राउ गरिएको जिल्ला प्रहरी कार्यालय, पर्साले जनाएको छ ।
२०७८।०१।०३ गते ५ः०० बजेको समयमा जिल्ला पर्सा वीरगंज महानगरपालिका वडा नं.१७ अलौ बस्ने वर्ष २२ की रबिना खातुनलाई दाईजोको बिषयलाई लिएर मानसिक यातना तथा कुटपिट गरी हत्या गरी साहजिम मियाँँ अन्सारी फरार भएका थिए ।
रबिना खातुनलाई कुटपिट तथा कर्तव्य गरी हत्या गरेको घटनामा संलग्न रही वारदात पश्चात फरार रहेका वीरगंज महानगरपालिका वडा नं.१७ बस्ने वर्ष २५ को साहजिम मियाँ अन्सारीलाई आज बिहान सूचना आधारमा प्रहरीले पक्राउ गरिएको जिप्रका, पर्साले जनाएको छ ।
अन्सारीलाई घरबाट पक्राउ गरी पर्सा जिल्ला अदालतमा बुझाउने जिप्रका, पर्साका प्रवक्ता प्रहरी नायब उपरीक्षक हरिबहादुर बस्नेतले जानकारी गराएका छन् ।