वीरगंज, ५ मंसिर । नेशनल मेडिकल कलेज तथा शिक्षण अस्पताल वीरगंजले विश्व COPD दिवस 2024 सम्पन्न गरेको छ । नेशनल मेडिकल कलेज तथा शिक्षण अस्पताल वीरगंजले आफ्नै अस्पताल परिसरमै दम सम्बन्धि जनचेतना कार्यक्रम संपन्न गरेको छ । स्वास्थ्य क्षेत्रमा जटिल बन्दै गएको दम सम्बन्धी स्वास्थ्य समस्या अन्तर्गत पर्ने समस्यालाई नियुनीकारण गर्ने उध्देश्यले नेशनल मेडिकल कलेज तथा शिक्षण अस्पतालले आज जनचेतना मुलक कार्यक्रमको आयोजना गरेको छ ।
उक्त कार्यक्रममा नेशनल मेडिकल कलेज तथा शिक्षण अस्पताल निर्देशक ईशरत जहाँ अन्सारी, विशिष्ट अतिथि, एडमिसन डाइरेक्टर आविद हुसेन अन्सारी, प्रधनाध्यापक डा.के. एन. सिंह, सह प्राध्यापक रविशंकर गुप्ता, नर्सिंग प्रशासन प्रमुख आताउल रहमान अंसारी, कलेजका प्रशासन प्रमुख गौसुल आजम लगायतका उपस्थिति रहेको थियो ।
उक्त जनचेतना मुलक नाटक वि. एस. सी. पन्ध्रौं बैचका सुप्रिया कडरिया, करुना नेपाल, अर्चना साह, अस्मिता विश्वकर्मा, सफलता श्रेष्ठ, सुमिना श्रेष्ठ, कृति पौड्याल, माया जोसी लगायतका विद्यार्थीहरुले प्रस्तुत गरेका नेशनल मेडिकल कलेजका प्रेस सल्लाहकार आशिक अन्सारीले बताउनु भयो। प्रस्तुत नाटक पश्चात मेडिसिन वार्डमा उपचाररत बिरामीहरूलाई फलफूल वितरण गरिएको थियो।
