अभिलाष गुप्ता
वीरगंज, २३ मंसिर । सोमवार जगरनाथपुर गाउँपालिका–४ सुहपुरस्थित जनमत पार्टी कार्यालयको ग्राउण्डमा आयोजित निशुल्क आँखा शिविर सफलता पूर्वक सम्पन्न भएको छ। जनमत पार्टीको आयोजना तथा सामुदायिक आँखा केन्द्र वीरगंजको प्राविधिक सहयोगमा सम्पन्न शिविरको नेतृत्व समाजसेवी बृजेश्वर प्रसाद चौधरीले गर्नुभएको थियो ।
शिविरमा आँखा परीक्षण गरिएका सेवाग्राहीमध्ये कुल १४७ जना लाभान्वित भएका छन्। परीक्षणका क्रममा ३१ जनामा मोतियाविन्दको लक्षण भेटिएको छ भने २३ जनालाई निशुल्क आँखा ड्रप वितरण गरिएको शिविरका संयोजक राजेश चौधरीले जानकारी गराए ।
मोतियाविन्द देखिएका बिरामीहरूको आउँदो बुधबार (२४ गते) वीरगंजमा निशुल्क शल्यक्रिया गरिने पनि चौधरीले बताए ।
स्थानीय बासिन्दाहरूले यस्तो स्वास्थ्य–केंद्रित सेवा आउँदा समुदायलाई ठूलो राहत भएको टिप्पणी गरेका छन् । समाजसेवी बृजेश्वर प्रसाद चौधरीका भनाई अनुसार आउने दिनमा पनि निरन्तर यस्तो किसिमका आयोजना एवं सेवाहरु गर्दै जाने वाचा समेत गर्नु भयो ।
