वीरगंज, ०२ चैत्र । पर्सा जिल्ला अदालतका मुख्य न्यायाधीश गोकर्ण डाँगी, जिल्ला न्यायाधीश गायत्री प्रसाद रेगामी र रितेन्द्र थापाले आज जिल्ला समन्वय समिति पर्सामा शिष्टाचार भेटघाट गर्नुभएको छ।
उक्त भेटघाटका क्रममा पर्सा जिल्ला अदालतको लागि आवश्यक जग्गा उपलब्ध गराउने विषयमा महत्वपूर्ण छलफल भएको थियो। छलफलमा जिल्ला समन्वय समितिका पदाधिकारी तथा अन्य सरोकारवालाहरूको समेत सहभागिता रहेको थियो।
सो अवसरमा जिल्ला समन्वय समितिका समन्वय प्रमुख निरञ्जन सर्राफ (अजय सर्राफ) ले पर्सा जिल्ला अदालतको लागि आवश्यक जग्गा उपलब्ध गराउन समितिको तर्फबाट प्रतिबद्धता व्यक्त गर्नुभएको बताइएको छ।
भेटघाट तथा छलफलले पर्सा जिल्लामा न्यायिक पूर्वाधार विकास गर्न र अदालतको सेवा अझ प्रभावकारी बनाउने दिशामा सकारात्मक कदम भएको सहभागीहरूले बताएका छन्।
प्रतिक्रिया लेख्नुहोस् ।
